KRONE 2027 IS HIER!

Maak gereed vir ’n onvergeetlike ervaring wanneer KRONE die dak gaan lig by die ikoniese SunBet Arena in Pretoria met drie konserte op 17 en 18 April 2027!

Krone is nie net ’n vertoning nie – dit is ’n moewiese saamsing jol waar familie en vriende bymekaar kom om die grootste treffers te bekroon.

Met die unieke 360-grade verhoog word jy deel van die aksie, en skep dit ’n konsert-ervaring waar elke sitplek soos ’n voorste ry voel.

Om die ervaring nóg meer spesiaal te maak, wys die lirieke van al die treffers soos altyd op die grootskerms sodat jy uit volle bors kan saam sing.

Met wêreldklas produksie, ’n innoverende verhoog-opset en ’n kragtige versameling treffers, beloof Krone om een van die opwindendste gebeurtenisse op Pretoria se vermaakskalender te wees.

Moenie jou kans mis om deel te wees van hierdie ongelooflike aand nie – kry nou jou kaartjies!