Rooihuiskraal Trots bied jaarliks, in samewerking met Laerskool Rooihuiskraal, die tradisionele Potjiekosdag aan.

Ouers kry die geleentheid om heerlike potjiekos voor te berei en te geniet, terwyl leerders ’n prettige dag beleef met onder andere die Mallemeule.

Die dag beloof om propvol pret te wees, en bied die ideale geleentheid vir gesellige saamkuier saam met familie en vriende.

Die Potjiekosdag bied ook waardevolle blootstelling aan borge, en word moontlik gemaak deur ruim bydraes van besighede wat graadgroepe of stalletjies borg.